Денешна дата
20/04/2021

Реакција на Господинот Костовски до Здружението на оштетени штедачи.

 

 

Почитувани,

Повеќе од јасно е дека ова Здружение на оштетени штедачи, кои велат дека ги има 3000 оштетени семејства, се служат со манипулативни податоци. Согласно информациите кои ги поседуваме, 791 физичко лице имаат побарувања од Еуростандард банка. Поради континуирана клевета од страна на претседателот на ова здружение именувајќи ме како криминалец, ќе покренам кривична пријава за клевета точно против лицето Петар Трајков. Господинот Петар Трајков на кому му ја доверивте палката да ве претставува, вас оштетените штедачи, за жал не е човек на кому му се доверува оваа многу значајна позиција. Дали личи на претседателот на оштетените штедачи да ми каже при првата средба цитирам; зошто не и дадовте 100-200 илјади евра на Гувернерката за да не ја носи банката во стечај? Вчудовиден бев и избезумен од ваквиот настап на вашиот прв човек, да при втората средба повторно ме подучува да со мито пријдам кон судиите на Уставниот суд, со цел носење на одлука во корист на штедачите, за да на крајот финишира цитирам со зборовите: Ти го отстапувам моето побарување од Еуростандард банк за 50%, ти да ме исплатиш, бидејќи ти имаш добри релации со Заев.

Почитувани, немав намера да озборувам, меѓутоа однесувањето на господинот Петар Трајков е крајно дволично, недолично, исклучиво бранејќи го сопствениот интерес.

Време е да согледате кој ви е вистински пријател во оваа борба, а кој непријател.

Изразувам жалење за вашите пари, чија судбина е  неизвесна, меѓутоа на начинот на кој комуницирате со институциите на државата, со јавноста и посебно со мене е недозволиво. Повторувам, јас сум тука и не бегам доколку имам вина.

 

Трифун Костовски