Претседателот на Србија, Александар Вучиќ, на прашањето дали е точно дека добил информација од руските служби дека во Србија се подготвуваат немири со цел државен удар, вели дека добиле официјална информација за тоа. и дека со тоа се занимаваат надлежните институции.
“Грешат тие што мислат дека нешто со сила ќе направат. Србија оди напред и никој не може да ја спречи. Луѓето не треба да се грижат и треба да ги гледаат нашите кошаркари“, изјави Вучиќ, пренесе Нова.рс.
Според Вучиќ , по нападот на Украина на Курск, рускиот одговор ќе биде страшен, а нападите на Украина ќе продолжат.
„Од следната недела планирам да одам меѓу народот. Испратете ми го календарот за протести и ќе ве известам дали ќе одам во тоа време. Каде и да се појавам, ќе имам повеќе луѓе кои ќе сакаат да го слушнат планот за иднината, бидејќи секогаш е најлесно да се урне нешто“, изјави Вучиќ на новинарите за време на обиколката на работите на тунелот „Иришки венац“ на коридорот Фрушкогорск. .