Амбасадорот на Соединетите Американски Држави во Косово, Џефри Ховениер, ја започна и ја завршува својата мисија во Косово со почит кон статуата на поранешниот претседател Ибрахим Ругова. Како што изјави, неговиот прв и последен официјален чин биле посветени на оддавање почит на ликот на Ругова и вредностите за кои се залагал.
Ховениер изјави дека Ругова истрајно се борел за правата на својот народ, за суверена, демократска и мултиетничка држава, при што овие цели ги следел во согласност со вредностите на меѓународната заедница.
„Пред три години, речиси точно пред три години, пристигнав во оваа земја. И ги предадов моите акредитиви на претседателката, а мојот прв јавен официјален чин беше да се придружам на претседателката за положување венец на статуата на поранешниот претседател Ругова. И ми се чинеше многу соодветно мојот последен официјален чин како амбасадор на САД во Косово да биде завршување на овој циклус со истиот гест. Ова го правам во сеќавање на претседателот Ругова и за она за што тој се залагаше: неговата истрајност за правата на сите луѓе на Косово, неговата истрајност за создавање суверена, демократска, мултиетничка и просперитетна држава, како и неговата истрајност да ги следи овие цели во согласност со највисоките вредности на меѓународната заедница. Имав задоволство да го запознаам како многу млад дипломат во тоа време, и го почитував исклучително многу“, изјави Ховениер.
Тој истакна дека САД останува посветена на партнерството со Косово.
„САД е посветена на нашето партнерство. Сакаме да ја видиме Косово како успешна и просперитетна држава. Ќе си заминам како уште посилен пријател на Косово отколку што бев кога пристигнав“, рече Ховениер.