6.8 C
Скопје
14 февруари, 2025
Inbox7.mk
ВЕСТИНАСЛОВНАРЕПУБЛИКА

” Кој е следен?” најавува протести во Скопје

Граѓанската иницијатива „Кој е следен?“ најави протест за недела, 2 февруари, во 17:00 часот на булевар Партизански Одреди, кај Универзална сала, во знак на револт против, како што велат, повторувачките случаи на неконтролирано возење, неказнивост и загуба на човечки животи.

„Случајот со Фросина Кулакова не е изолиран инцидент. Со години се соочуваме со исти проблеми – недостаток на санкции и систем што не гарантира безбедност“, се вели во соопштението на иницијативата.

Организаторите посочуваат дека системот не нуди доволна поддршка за децата и младите, што доведува до нивна маргинализација и избор на ризични животни патеки. „Институциите не се координирани, а последиците се сè почести фатални исходи“, се додава во соопштението.

Протестот има за цел да привлече внимание кон три клучни проблеми:

1. Неефикасноста на системот за заштита на децата и младите кои се во судир со законот;

2. Недостатокот на безбедност во урбаните средини;

3. Глорификацијата на девијантното однесување.

„Алките во системот не функционираат – младите во ризик не се идентификуваат навреме, а оние кои веќе се препознаени не добиваат соодветна поддршка за да се изградат како одговорни граѓани“, предупредуваат организаторите.

Тие исто така нагласуваат дека урбаната инфраструктура не гарантира безбедност за граѓаните и дека е неопходно подигнување на јавната свест за последиците од толерирањето на неказнивоста.

„Градовите мора да обезбедат безбедни услови за живот. Клучно е јавно да се осуди величањето на девијантното однесување и да се информира јавноста за ризиците што произлегуваат од заобиколувањето на правилата“, велат од „Кој е следен?“.

 

 

Related posts

Грција размислува за строги мерки против С Македонија

admin

Пак сме пред „историска седмица“

admin

Домашно куче „бул мастиф“ усмрти дете, во Градска болница донесено без знаци на живот

ninja

Средба Столтенберг-Османи: НАТО е клучен фактор за безбедноста на Западен Балкан

admin

Трамп: Нашата војска знае, нешто чудно се случува

admin

Само 17 пратеници “за”: Зошто пропадна обидот за амнестија?

admin