Кристофер Хил, амбасадорот на Соединетите Американски Држави во Белград предизвика големо внимание со видеото кое го објави на социјалните мрежи. Во видеото се слушаат политичари и јавни личности кои зборуваат за позицијата на Србија на Запад и за српско-американското партнерство, пренесува Инбокс7.
„Иднината на Србија е на Запад, се согласувам“, напиша Хил.
Видеото содржи кратки изјави на премиерката Ана Брнабиќ, на српскиот амбасадор во Вашингтон, Марко Ѓуриќ, како и на Жељко Митровиќ, сопственикот на ТВ Пинк, како и исечоци од оваа телевизиска програма, во кои аналитичарите истакнуваат дека Србија е Западна земја и припаѓа таму.
Видеото содржи и кратки исечоци од интервјуто на Кристофер Хил и воениот експерт Александар Радиќ од телевизискиот таблоид Курир.
Во бројните одговори на Твитер мрежата на оваа најава на амбасадорот Хил, претставници на опозициската јавност коментираа дека мнозинството од оние што се појавија во објавата на Хил работат на оддалечување на Србија од Западот и дека тие се пречка за европската интеграција Србија.