16.4 C
Скопје
18 мај, 2025
Inbox7.mk
ВЕСТИРЕГИОН

КУРТИ: ЗГОЛЕМЕНИ СЕ ЗАКАНИТЕ НА СРБИЈА ЗА ДЕСТАБИЛИЗАЦИЈА НА КОСОВО

Без разлика на настаните за време на викендот, работата на институциите на север продолжува, изјави косовскиот премиер Албин Курти на денешната прес-конференција. Неговиот коментар доаѓа по одлуката на претставниците на српската заедница во Косово да се повлечат од работата во институциите во Косово поради одлуката на Владата да започне со менување на регистарските таблички на северот од земјата.

„Институциите продолжуваат со својот ангажман за пререгистрација на регистарските таблички“, рече Курти.

Тој нагласи дека во последните денови се зголемени заканите и напорите на Србија и претседателот Александар Вучиќ за дестабилизација на ситуацијата на Косово.

„Овие закани се насочени пред се кон граѓаните на нашата земја преку сеење страв и паника“, рече тој и додаде дека Вучиќ во саботата се сретнал со амбасадорите на Русија и Кина.

„Она што сега се случува најдобро ги објаснува напорите на Белград да се спротивстави на француско-германскиот план. Не се работи за табличките, ниту за заедницата, ниту за суспензијата на Ненад Ѓуриќ. Станува збор само за одбивање на Србија да го признае предлогот на Париз и Берлин“, рече Курти.

Според него, Белград го отфрлил француско-германскиот план и „сега прави драма за да го маскира одбивањето“. Тој ја обвини Србија дека го саботира дијалогот и каков било договор.

„Ова не е патот кон мир, соработка или градење добрососедски односи. Таквите напори ќе бидат неуспешни затоа што нашата земја е силна и демократска“, рече Курти, додавајќи дека припадниците на српската заедница се во опасност од „Белград, кој ги изгоре нивните возила и куќи“.

Запрашан за формирањето на Заедницата на општините со мнозинско српско население, Курти рече дека на ова прашање одговара веќе девет години и дека нема нов одговор „на старите прашања“.

 

Related posts

Македонските судски власти повикуваат на системски реформи и финансиска независност

admin

Трамп повикува на крај на примирјето во Газа ако сите заложници не бидат ослободени до сабота напладне

admin

Македонски синдикати со поделени ставови околу одбележувањето на 1 Мај

admin

Судскиот совет под притисок, Камбовски бара законски реформи наместо персонални

admin

Претседателката на Антикорупциска не размислува за оставка поради сомнежи за случајот „Адитив“

admin

САД ЌЕ ПРОДОЛЖАТ ДА ВОВЕДУВААТ САНКЦИИ НА БАЛКАНОТ

ninja