12.8 C
Скопје
20 април, 2024
Inbox7.mk
ВЕСТИЕКОНОМИЈА

Пад на трговијата на мало и на индустриското производство

Трговијата на мало и индустриското производтво бележат пад во јули во споредба со истиот месец минатата година. 
Според претходните податоци на Државниот завод за статистика, во трговијата на мало, во јули 2023 година, во споредба со јули 2022 година, зголемување на прометот кај номиналните и реалните стапки е забележано само во групата со непрехранбени продукти, и тоа номинално за 7.6 %, а реално за 0.5 %.
Трговијата со горива номинално расте за 1.5 %, а реално опаѓа за 6.5 % и Трговија на мало со автомобилски горива номинално опаѓа за 20.6 %, а реално расте за 5.5 %. Пад и кај двете стапки е забележан во групата Трговија на мало со храна, пијалаци и тутун, и тоа номинално за 4.2 %, а реално за 13.0 %.
Гледано по сектори, индустриското производство во секторот Рударство и вадење на камен во јули 2023 година, во однос на јули 2022 година, бележи опаѓање од 13.5 %, во секторот Преработувачка индустрија бележи опаѓање од 1.2 %, а во секторот Снабдување со електрична енергија, гас, пареа и климатизација пораст од 8.8 %.
Намалувањето во секторот Преработувачка индустрија е резултат, според ДЗС, се должи на намаленото производство во следните оддели: Производство на прехранбени производи, Производство на тутунски производи, Производство на текстил, Производство на облека, Производство на основни фармацевтски производи и фармацевтски препарати, Производство на производи од гума и производи од пластични маси и Производство на електрична опрема.
Според главните индустриски групи, производството во јули 2023 година, во однос на јули 2022 година, бележи пораст кај Капитални производи за 28.0 %, додека опаѓање бележи кај Енергија за 6.1 %, Интермедијарни производи, освен енергија за 1.8 %, Трајни производи за широка потрошувачка за 18.9 % и Нетрајни производи за широка потрошувачка за 13.8 %.

Related posts

Трајанов ги носи измените на КЗ пред Уставниот суд

admin

НАТО: ИСТОРИСКА ШАНСА ЗА ПОСТИГНУВАЊЕ НА ТРАЕН МИР МЕЃУ КОСОВО И СРБИЈА

ninja

Алијанса за Албанците негира дека преговара за влез во Владата

ninja

Ниту стратегиите, ниту политиките не помагаат: Најмногу пари и понатаму одат во најразвиените региони

admin

Почна трката по бројки: кога и како ќе заврши?

admin

Трка со времето за евакуација од Израел

admin