Просечната нето плата во Црна Гора во март достигна 1.000 евра, што претставува зголемување од 0,1% во однос на февруари и 21,6% повеќе во споредба со истиот месец лани, соопшти во петокот Државниот завод за статистика – Монстат.
Просечната бруто плата во март изнесуваше речиси 1.200 евра.
И покрај номиналниот раст, реалната плата се намали за 0,2% поради пораст на потрошувачките цени од 0,3% во однос на јануари, се наведува во соопштението од Монстат.
Сектори кои забележале пораст на просечната нето плата се: недвижности, професионални и технички услуги, угостителство, финансиски и осигурителни услуги, водоснабдување и управување со отпад, ИТ и комуникации, градежништво, транспорт, администрација, здравство, социјална заштита, земјоделство, шумарство и рибарство.
Во истиот период, платите се намалиле во секторите на снабдување со електрична енергија и гас, уметност и забава, рударство, преработувачка индустрија, јавна администрација и одбрана, трговија на големо и мало, одржување на моторни возила и образование.