Пишува: Џо Инвуд
Би-Би-Си
Реакцијата на британскиот премиер на ноќешните напади не беше ниту гласна поддршка – но не беше ниту форма на критика.
Кир Стармер повикуваше на деескалација и преговори; синоќа не се случи ниту едното, ниту другото.
Она што може да се каже е дека во Владата на Обединетото Кралство се чувствува тивко олеснување што беше избегнато потенцијално тешко решение.
Најочигледна база од која можеше да се изведе нападот беше Диего Гарсија – британска база во Индискиот Океан. Таа се наоѓа на половина растојание од локациите во Иран во споредба со базата во Гвам.
Да побараа САД користење на базата – и Владата се согласеше – тоа сигурно ќе се сфатеше од Иран како британско вклучување во војната.
Фактот што нападот се случи без учество на Диего Гарсија претставува одредено олеснување за британските креатори на политики, иако тие остануваат загрижени за пошироките последици.