Под влијание на многу топла воздушна маса од југ, потекнувајќи од Африка, времето во Северна Македонија ќе остане многу топло, стабилно, суво и претежно сончево до петок, 15 август. Ќе дува слаб до умерен ветер од променлив правец.
И во Скопје и околината се очекува слично време – многу топло, стабилно и суво, со мала локална облачност и ветер слаб до умерен од променлив правец.
Температурите ќе продолжат да растат, а максималните дневни температури ќе се искачуваат во интервалот од 32 до 40 степени Целзиусови. Во Скопје и околината, се очекува температурата да достигне околу 40 степени.
Метеоролозите апелираат до граѓаните, поради топлотниот бран и високите температури, да го ограничат излегувањето во најтоплиот дел од денот, од 11 до 17 часот, и да внесуваат доволно течности за да се заштитат од топлотен удар.