Министерот за здравство, Азир Алиу, во четвртокот потпиша поединечен колективен договор за вработените во Министерството за здравство, соопшти институцијата.
Договорот е склучен меѓу Министерството за здравство, САДУ – Синдикатот на администрација, државна управа и правосудство на Македонија и синдикалната организација во ресорното министерство.
Според договорот, платите на вработените ќе се зголемат за 7% во периодот од 1 март 2026 до 1 март 2028 година, со вклучено усогласување со минималната плата. Дополнителни зголемувања од по 7% се предвидени и за 2027 и 2028 година.
Со мерките се очекува постепено изедначување на платите на вработените во државната администрација, се наведува во соопштението.