Администрацијата на Бајден размислува да воведе притвор за семејствата мигранти кои илегално преминуваат во САД додека се подготвува да стави крај на ограничувањата за ковид-19 на границата меѓу САД и Мексико.
Тоа ќе биде голем пресврт откако официјалните лица кон крајот на 2021 година престанаа да ги држат семејствата во притворските установи.
Соединетите Американски Држави сè повеќе се движат кон ограничување на мигрантите бидејќи се соочуваат со зголемен број луѓе кои доаѓаат на границата со Мексико барајќи азил. Ограничувањата од ерата на пандемијата им дозволуваа на службениците за имиграција на САД брзо да ги одвратат повеќето мигранти, а за време на екот на пандемијата неколку семејства беа приведени.
Според сегашната политика, семејствата кои пристигнуваат на границата на САД со Мексико се пуштаат во САД и им се кажува да се појават пред судот за имиграција.
Администрацијата има капацитет да смести околу 3.000 луѓе во два семејни центри за притвор во Тексас. Во моментов, во центрите се сместени самохрани возрасни лица кои илегално ја минуваат границата.
И администрациите на Обама и Трамп ги притвораа семејствата во тие објекти се додека не се реализираат нивните случаи за имиграција, иако судски налог ја спречува владата да држи деца повеќе од 20 дена. Третиот центар за притвор во Пенсилванија беше затворен пред неколку месеци.
Ниту една одлука не е конечна, според четворицата официјални лица кои разговараа за Асошиетед прес под услов да останат анонимни
„Њујорк тајмс“ прво објави дека официјалните лица размислуваат повторно да ги приведуваат семејствата.
Претставниците на администрацијата ја привршуваат националната вонредна состојба која беше донесена на 11 мај за време на пандемијата. Бидејќи граничните ограничувања се поврзани со националната вонредна состојба, тие исто така завршуваат на 11 мај.
Претставниците за домашна безбедност се борат да најдат начини како да ги спречат мигрантите да доаѓаат на границата меѓу САД и Мексико. Огромното мнозинство од мигрантите кои доаѓаат да бараат азил немаат никакво право на азил.
Двата притворски центри во Тексас се во Карнес Сити и во Дили. Семејствата најверојатно повторно ќе бидат задржувани во Дили, што се користеше за приведување семејства за време на администрациите на Обама и Трамп