По средбата со министерот за надворешна трговија и економски односи на Босна и Херцеговина, Сташа Кошарац, Бектеши рече дека „граѓаните нема да плаќаат поголема цена од постоечката од 1 јули до крајот на годината“
Тој најави дека со министерот за финансии и претседателот на Регулаторната комисија за енергетика и другите членови од Енергетскиот совет во рамки на Владата наредниот месец ќе разговараат за новиот модел за пресметување на цената на електричната енергија, но независно каков ќе биде утврдениот модел, Бектеши е дециден дека поскапување на електричната енергија нема да има.
И првиот човек не Регулаторната комисија за енергетика, Марко Бислимоски, вели дека е против тоа да се покачи цената на струјата. „Целта ни е да ја релаксираме ситуацијата со цената на електричната енергија. Противник сум цената да се зголеми во услови кога се изградени голем број на фотоволтаични електрани, кои помагаат да се намали увозот на струја во државата“, рече Бислимоски одговарајќи на новинарски прашања.