Важно е да се промовира конструктивна реторика и пристап во натамошната соработка, заклуиле денаска на телефонскиот разговор Претседателот на Владата на Република Северна Македонија, Димитар Ковачевски, и новиот премиер на Република Бугарија, Николај Денков.
Во разговорот било изразено очекување од двете страни, за добра меѓувладина соработка, во интерес на граѓаните и на добрососедските односи.
“Разговарано е за важноста од промоција на позитивната реторика којашто придонесува во меѓусебната доверба, како и од продолжување на динамиката во билатералната агенда и средбите меѓу министрите во владите кои ќе придонесат кон постигнување резултати кои се конкретни и видливи за граѓаните. Заедничка е оценката дека е потребна конструктивност во пристапот и понатамошната соработка, за коешто постои увереност и кај двајцата премиери дека го очекуваат и граѓаните на Северна Македонија и Бугарија, но и регионот, Европската Унија и меѓународните партнери”, се вели во соопштението на Владата.