28.8 C
Скопје
15 јуни, 2024
Inbox7.mk
ВЕСТИ

Бујар Османи со силна осуда за руското признавање на Доњецк и Луганск

Министерот за надворешни работи, Бујар Османи упати силна осуда за руското признавање на самопрогласените републики Доњецк и Луганкс во Украина, што се случи вечерва.

„Силно го осудуваме признавањето од страна на Русија на украинските области Доњецк и Луганск како независни“, напиша Османи на неговиот профил на „Твитер“.

Бујар Османи ВОА
Бујар Османи ВОА

Османи додава дека „ваквите дела претставуваат сериозно кршење на меѓународното право“.

„Македонија ја повторува својата недвосмислена поддршка за суверенитетот и територијалниот интегритет на Украина“, напиша Османи.

Претседателот на Руската федерација, Владимир Путин вечерва ги потпиша указите со самопрогласените народни републики Доњецк и Луганкс, на истокот од Украина, ги призна за независни. Овие области се под контрола на проруските сепаратисти.

Неколку часа после ова признавање, Белата куќа од Вашингтон соопшти дека ќе воведе санкции за регионите Доњецк и Луганск.

Изјавата на Путин ги зголемува стравувањата на Западот дека Путин наскоро ќе ја нападне Украина.

„Очекувавме ваков потег од Русија и подготвени сме веднаш да одговориме“, изјави денес портпаролката на Белата куќа Џен Псаки.

„Претседателот Бајден наскоро ќе издаде извршна наредба со која ќе се забрани нови инвестиции, трговија и финансирање на лица во таканаречените Народна Република Доњецк и Народна Република Луганск на Украина, исто така, ќе обезбеди овластување за воведување санкции за секое лице решено да дејствува во тие области на Украина“.

Реакции дојдоа и од европските земји. Европската унија објави санкции, а претседателката на Комисијата на ЕУ, Урсула фон дер Лаен и претседателот на Советот на ЕУ, Шарл Мишел, го нарекоа признавањето на овие сепаратистички области од Путин „еклатантно кршење на меѓународното право“./ VOA MK

Related posts

Мицковски: Од државотворна СДСМ се претвори во измеќар на ДУИ

admin

ЕУ ЗАМРЗНА ПАРИ ЗА УНГАРИЈА

ninja

Што би значело укинувањето на ветото во ЕУ за македонските евроинтеграции

ninja

Пропустите во дигитализацијата на матичните книги фрлија сенка врз заштитата на податоците на граѓаните

admin

Андреас Шиамишис: Трасиран патот за повторно отворање на нафтоводот Солун-Северна Македонија

admin

СОБРАНИЕТО ГИ ИЗГЛАСА ЗАКОНИТЕ ЗА СОБРАНИЕТО И ЗА АМНЕСТИЈА

ninja