Американската администраторката на Агенцијата за меѓународен развој, Саманта Пауер, изрази загриженост, вклучително и за ефектите од руската инвазија на Украина врз раселените од конфликтот, што резултира со пад на глобалните пазари на енергија и храна, како и пандемијата и ефектите од климатска промена.
Говорејќи пред Комитетот за надворешни работи на Претставничкиот дом за буџетското барање на претседателот Џо Бајден за следната фискална година, Пауер рече: „Светот сега е помалку слободен и помалку мирен од кој било момент од крајот на Студената војна“, и дека слободните нации на светот може да работат заедно со приватниот сектор и мултилатералните институции за „да се прошири досегот на мир, просперитет и човечко достоинство на уште милијарди луѓе“.
Пауер рече дека САД сакаат да го одржат своето ниво на придонес во развојот, хуманитарната и економската помош за Украина.
“Американскиот удел досега, и покрај сета великодушност и ресурси што ги потрошивме, е 11 проценти од вкупниот меѓународен придонес за кризата во Украина во моментов“, рече таа.
Претседателот на Комитетот Грегори Микс, демократ од Њујорк, рече дека ситуацијата во Украина „само ја надополни критичната работа што УСАИД ја врши ширум светот“ и го привлече вниманието на тоа како конфликтот влијае и на другите нации.
„Инвазијата на Путин на Украина, исто така, ја влоши и така лошата ситуација со храната ширум светот“, рече Микс. „Блокирањето на пристаништето Одеса дополнително го ограничи извозот што може да нахрани 400 милиони луѓе. Главните производи на кои се потпираат земјите ширум светот за основните потреби за храна. Ние веќе гледаме како руската инвазија влијае на цените на храната, особено во земјите со висок увоз, како што се Египет, Индонезија и Бангладеш“.