13.8 C
Скопје
21 февруари, 2024
Inbox7.mk
ВЕСТИ

СДСМ бара ВМРО-ДПМНЕ да ги достави до Антикорупциска информациите за сокриен имот на функционери

Доколку ВМРО-ДПМНЕ навистина поседува некакви информации за функционери кои не пријавиле имот и сториле некаков прекршок, тие треба да ги достават до надлежната институција, а тоа е ДКСК, за понатамошно постапување, одговорија до СДСМ на обвинувањата на најголемата опозициска партија која денеска ја објави т.н. афера Тајни имоти.

Од опозицијата тврдат дека 123 функционери од редовите на СДСМ и ДУИ не пополниле целосни анкетни листови со што сокриле имот од 30 милиони евра.

Од СДСМ велат дека ВМРО-ДППМНЕ се тие што краделе граѓани и трупале имот, потсетувајќи на судската пресуда за Талир 2, која се однесува на незаконски стекнатата бела зграда што е седиште на партијата, но и на имотите на поранешниот премиер кој избега во Будимпешта, Никола Груевски.

„Кога зборува за имоти, ВМРО-ДПМНЕ прво нека си погледне во своите редови и својот дворец“, велат од СДСМ.

За опозицијата пак ДКСК, односно Антикорупциската комисија е дел од проблемот, бидејќи сметаат дека не реагира.

„И самата претседателка на Антикорупциска во повеќе наврати призна дека постојат дури и функционери кои имаат имот, а кој не е на нивно име. И после половина година за тоа реакција нема“, велат од ВМРО ДПМНЕ.

Тие дадоа рок од 24 часа за институциите да реагираат. Во спротивно велат дека ќе ги објавуваат имињата и имотите на оние за кои утврдиле дека се дел до аферата.

Related posts

МОЖЕ ЛИ ДРЖАВАТА ДА ГО „ОДБЛОКИРА“ СКОПЈЕ?

ninja

Маќедонци: Србија распределува воени сили долж границата со Косово

admin

Избрани министрите за здравство и информатичко општество

admin

Двајца полицајци од Велес примиле поткуп за да не изрекуваат глоба

admin

Што се разговарало на средбата Блинкен-Ковачевски? Ескобар вели дека корупцијата била главна тема

admin

Кои се 10-те најдобри градови за живеење?

admin