31.8 C
Скопје
12 јуни, 2024
Inbox7.mk
ВЕСТИРЕГИОН

ВУЧИЌ УТРЕ НА СРЕДБА СО ЛАЈЧАК И ЕСКОБАР ЗА СИТУАЦИЈАТА ВО КОСОВО

Претседателот на Србија, Александар Вучиќ утре во Белград ќе се сретне со претставникот на Европската унија за дијалог меѓу Косово и Србија, Мирослав Лајчак, соопшти неговиот кабинет. Потоа, како што е наведено, предвидена е трилатерална средба меѓу Вучиќ и Лајчак и заменик-помошникот државен секретар на САД, Габриел Ескобар.

Главниот дипломат на Европската унија, Жозеп Борел, претходно потврди дека Лајчак ќе отпатува во регионот за да помогне во намалувањето на тензиите на северот на Косово. Според него, ЕУ е подготвена да испрати засилување во мисијата на ЕУ на Косово (ЕУЛЕКС).

Ескобар денеска се сретна со претставници на опозициските партии во Приштина. Ден претходно, Ескобар беше примен од косовската претседателка Вјоса Османи и премиерот Албин Курти.

Во соопштението од кабинетот на премиерот, се наведува дека разговарале за „актуелната ситуација и последните настани, особено во северниот дел на Република Косово“.

„Беше истакнато веднаш да се отстранат барикадите на патот“, се вели во соопштението на премиерот Курти.

Камиони и автобуси продолжуваат да ги блокираат патиштата на северот на Косово, спречувајќи го сообраќајот кон граничните премини со Србија, Јариње и Брњак. Неколку групи српски граѓани од Косово почнаа да подигнуваат барикади на 10 декември, кога властите во Косово објавија дека е уапсен поранешен српски полицаец.

Related posts

ТЕРМОЕЛЕКТРАНИТЕ НА ПАТЕРИЦИ – НЕ ПРОИЗВЕДУВААТ НИ ПОЛОВИНА ОД МОЖНОСТИТЕ

ninja

Сиљановска: Нема да ја користам придавката “Северна”

admin

СЕ ПОВЕЌЕ ДЕЦА ОНЛАЈН СТАНУВААТ ЖРТВИ НА СЕКСУАЛНИ ЗЛОУПОТРЕБИ

ninja

Голема истрага на ФБИ – на градоначалникот на Њујорк на улица му се одземени телефони

admin

ВЛАДАТА ЌЕ ГИ ВАДИ ОД КАЛ НЕПЛАЌАЧИТЕ НА СТРУЈА

ninja

ЕСМ следната недела ќе соопшти кој се јавил на тендерот за снабдување со природен гас

ninja