4.8 C
Скопје
18 април, 2024
Inbox7.mk
ВЕСТИ

ДРЖАВАТА ЌЕ МОРА ДА ГИ ПОКРИЕ ДЕЛ ОД ДОЛГОВИТЕ ЗА СТРУЈА

„Не трпам директори кои не плаќале струја“, вели премиерот Димитар Ковачевски. На некои должници државата ќе им помогне, од други пак ќе се бара одговорност.

Државата ќе мора да ги покрие долговите за електрична енергија на оние клучни институции кои имале објективни причини за такво нешто. Од другите неплаќачи ќе се бара одговорност, најави денеска (5.12) премиерот Димитар Ковачевски на прес-конференција во Владата.

„Не ми е сфатливо како може со години да не се плати струја тоа е недомаќинско, раскалашено однесување на дел од директорите на тие институции. Кај дел има и објективни фактори, на пример здравствените институции кои беа оптоварени со многу трошоци во текот на корона кризата“, вели Ковачевски.

Вкупниот долг на државните и јавни институции за струја е над 40 милиони евра. Поради тоа се најавуваше дека без струја можат да останат затворите, судовите, Зоолошката градина,  факултетите и други институции.  На листата на должници се и Клиничкиот центар и Железница.

„Државата ќе мора да ги покрие трошоците на некои клучни институции, другите кај кои не постојат толку објективни причини за неплаќање на сметките ќе бидат повикани на одговорност. Ако ние имаме енергетска криза во текот на две години, а тие имаат неплатени сметки три години, тогаш енергетската криза не влијае. Не трпам директори кои не плаќале струја затоа што сметале дека нивните институции не можат да останат без струја само затоа што се од витално значење“, изјави Ковачевски.

штекер струја
Државата ќе ги покрива долговите за струја за да не останат витални институции во темноФотографија: Jens Niering/picture alliance

Во врска со насобраниот долг од околу 7 милиони евра, и министерот за финансии Фатмир Бесими деновиве најави дека ќе го проверува буџетот, ставка по ставка за да се види од каде може да се префрлат пари за да се скуси овој долг и најголемиот медицински центар да се остане во темница.

Блокови и за малите компании

Министерот за економија Крешник Бектеши денеска повторно порача граѓаните да бидат спокојни зашто електрична и топлинска енергија ќе има до крајот на грејната сезона.  Со оглед на зголемувањето на ДДВ, конечна одлука нема за цената на струјата за домаќинства, неа ќе ја донесе Регулаторната комисија за енергетика.

„Ние ќе бидеме посветени за да нема зголемување на цената на електрична енергија посебно за домаќинствата во првите шест месеци од наредната година“, рече Бектеши на прес-конференција. Промена на блоковите во домаќинствата најверојатно ќе нема, се разгледува можноста да се воведат блокови и за малите потрошувачи – микро и мали компании кои согласно законот можат  да користат струја од регулиран пазар.

Related posts

Ќе паѓаат цените на основните производи

ninja

Екс министерот Сали не знаел за КАТО системот на Онкологија

admin

Украина ги интензивира нападите долж граничните линии

admin

Македонските ќебапи од Гарфилд, Њу Џерси најбарани во САД

admin

За четири години 19 жени го загубиле животот главно од раката на своите партнери – Расте бројот на фемициди во Македонија

admin

ПУТИН СЕ ОТКАЖА ОД ПРЕС-КОНФЕРЕНЦИЈАТА НА КРАЈОТ НА ГОДИНАТА

ninja