20.8 C
Скопје
27 септември, 2023
Inbox7.mk
ВЕСТИ

ПУТИН СЕ ОТКАЖА ОД ПРЕС-КОНФЕРЕНЦИЈАТА НА КРАЈОТ НА ГОДИНАТА

Рускиот претседател Владимир Путин се откажа од својата традиционална прес-конференција на крајот на годината. Причини за неодржување на прес-конференцијата не се наведени.

„До почетокот на новата година нема да има прес-конференција на Претседателот“, соопшти денеска (12.12) портпаролот на Кремљ, Дмитри Песков. Путин, кој е на функција од 2000 година, ја одржуваше големата средба со новинарите на крајот од секоја година, освен во периодот помеѓу 2008 и 2012 година, кога беше премиер, а не шеф на државата.

Песков укажа дека Путин зборува со претставниците на медиумите и во други прилики, особено за време на своите патувања во странство. Портпаролот на Кремљ не наведе причини за неодржување на традиционалната прес-конференција.

Големата годишна прес-конференција, на која присуствуваа стотици руски и странски новинари, вообичаено траеше со часови. За време на прес-конференцијата, шефот на руската држава одговараше на прашања во живо на широк спектар на теми – од надворешна политика до секојдневни проблеми на Русите. Изјавите на Претседателот пред новинарите честопати личеа на наредби до Владата или регионалните власти.

Related posts

Што содржи Предлогот за уставни измени (интегрален текст)

admin

Што значи за РСМ стратешкиот договор со САД?

admin

СРБИЈА И КОСОВО ПОСТИГНАА ДОГОВОР ЗА РЕГИСТАРСКИТЕ ТАБЛИЧКИ

ninja

Случај „Онкологија“: Протестите ќе станат масовни, Обвинителството не сака брзоплета истрага

admin

Законот за амнестија по скратена постапка: Над илјада затвореници ќе бидат ослободени целосно или делумно

admin

Бајден ја продолжи вонредната состојба на Западен Балкан, ќе бидат санкционирани сите кои го попречуваат мирот и демократијата

admin