8.8 C
Скопје
29 март, 2024
Inbox7.mk
ВЕСТИ

РУСИЈА ГИ ОБВИНУВА САД ЗА „ИНДИРЕКТНА ВОЈНА“

Кремљ реагира остро на посетата на украинскиот претседател Володимир Зеленски на Вашингтон и ги обвинува САД за водење „индиректна војна“.

По посетата на украинскиот претседател Володимир Зеленски на Вашингтон, Русија ги критикува остро и Украина и САД. Портпаролот на Кремљ, Дмитри Песков, смета дека посетата на Зеленски на Вашингтон ја покажува неподготвеноста за преговори со Русија. „Со жалење мора да констатираме дека досега ниту претседателот Бајден ниту претседателот Зеленски не рекоа нешто што би можело да се нарече потенцијална подготвеност за да се слушне Русија“, нагласи Песков.

Според него, во текот на посетата на Зеленски на САД немало „вистински мировни апели“. Тоа однесување на САД покажува „дека САД ја продолжуваат својата линија на де факто индиректна војна со Русија до последниот Украинец“, изјави Песков.

Слична изјава претходно даде и рускиот амбасадор во Вашингтон, Анатолиј Антонов, кој ги обвини САД за водење „заменска војна“ против Русија. Тврдењето на американската влада дека не сакаат конфронтација со Русија не е ништо друго освен „празни зборови“, зашто ниту Украина ниту САД не покажале подготвеност за преговори и наместо тоа шират „лаги“ дека Русија не е заинтересирана за мирно решение на конфликтот, тврди Антонов.

Посетата на украинскиот претседател Зеленски на Вашингтон беше негово прво патување во странство откако е почната руската инвазија.

Related posts

ОД 94 ОБВИНЕТИ ОД СЈО, ЗАД РЕШЕТКИ СЕ МИЈАЛКОВ, ЈАНКУЛОСКА И ТАЛЕСКИ

ninja

ПЛЕНКОВИЌ СМЕТА ДЕКА МИЛАНОВИЌ ГО УРИВА НАДВОРЕШНОПОЛИТИЧКИОТ КРЕДИБИЛИТЕТ НА ХРВАТСКА

ninja

КОЛЕРА И ДРУГИ ЗАРАЗНИ БОЛЕСТИ-ЗАКАНА ЗА ОБЛАСТИТЕ ПОГОДЕНИ ОД ТУРСКИОТ ЗЕМЈОТРЕС

ninja

Убедлива победа на Мицотакис, “згазена” Сириза

admin

Се стопи македонската средна класа

ninja

ЗА 14 МЕСЕЦИ ИЗДАДЕНИ ЛИЦЕНЦИ ЗА 355 ФОТОНАПОНСКИ ЦЕНТРАЛИ

ninja