4.8 C
Скопје
21 февруари, 2024
Inbox7.mk
СВЕТ

БОРЕЛ ЗА НАЛОГОТ ЗА АПСЕЊЕ НА ПУТИН: ОВА Е ВАЖНА ОДЛУКА НА МЕЃУНАРОДНАТА ПРАВДА

Високиот претставник на ЕУ за надворешни политика и безбедност Жозеп Борел, вечерва од Скопје порача дека одговорните за агресијата врз Украина мора да бидат изведени пред лицето на правдата.

Ова го кажа во коментар за налогот за апсење на рускиот претседател Владимир Путин кој денеска го издаде Меѓународниот кривичен суд (МКС), поради депортација и трансфер на деца од окупираните области на Украина во Русија.

„Меѓународниот кривичен суд наведува дека постојат разумни основи да се верува дека Путин сноси индивидуална одговорност за овие злосторства. Тежината на злосторствата и изјавата на МКС говорат сами за себе. Ова е важна одлука на меѓународната правда и за народот на Украина“, истакна Борел по вечерашната средба со македонскиот претседателот Стево Пендаровски.

Притоа порача дека МКС е само почеток во процесот за барање одговорност од Русија и нејзиниот лидер за злосторствата и злоделата што ги вршат во Украина.

Меѓународниот кривичен суд (МКС) денеска соопшти дека распишал налог за апсење на Владимир Путин. Судот во соопштението наведува дека е распишана потерница и за Марија Лвова-Белова, руска функционерка за правата на децата, која наводно го насочувала отстранувањето на украинските деца во Русија.

Двајцата се осомничени дека „ги извршиле делата директно, заедно со други и/или преку други“, се вели во соопштението, додавајќи дека Путин не успеал „ да изврши соодветна контрола над цивилните и воените подредени кои ги извршиле дејствијата или дозволиле нивно извршување, и кои беа под негова ефективна власт и контрола, согласно одговорноста“.

Портпаролката на Министерството за надворешни работи на Русија, Марија Захарова, го нарече налогот „бесмислен“ бидејќи Русија не е потписничка на Римскиот статут на Меѓународниот кривичен суд и „не сноси никакви обврски“.

Related posts

Путин вети дека ќе го победи Вагнер додека бунтовниците напредуваат кон Москва

admin

Абу Даби нуди 11 милијарди долари за да ја купи германската Ковестро

admin

Хамас вели дека во нападите на Израел врз бегалскиот камп загинале повеќе од 195 луѓе

admin

Олигарсите му го вртат грбот на Путин, Мелниченко го нарече “парија”

admin

Новинарката на РСЕ, Алсу Курмашева 100 дена во руски притвор: „Сè помалку е подносливо“

admin

Израел во тотална војна против Хамас: Бројот на загинати се искачи на 150

admin