Финскиот претседател Саули Нинисто на 15 март објави дека Турција донела одлука за ратификација на кандидатурата на Финска за НАТО. Тој изјави дека ќе го посети Истанбул неделава за да ја слушне одлуката од претседателот Реџеп Таип Ердоган.
„Турците се надеваа дека ќе бидам таму за да го слушнам одговорот кога ќе ја соопштат одлуката. Се разбира, ја прифатив поканата и ќе одам неделава “, изјави Нинисто.
Претходно Ердоган дека претходно и дал зелено светло на Финска и рече дека Турција „ќе го одржи ветувањето што го дадовме“. Тој ќе се сретне со Нинисто на 17 март.
Финска и Шведска во мај минатата година поднесоа барање за приклучување кон НАТО, како одговор на руската инвазија врз Украина. Финска има 1300 километри долга граница со Русија. За влез во Алијансата е потребна согласност од сите членки.
Генералниот секретар на НАТО Јенс Столтенберг минатата недела изјави дека сака двете нордиски земји да станат членки до самитот закажан за јули.