26.8 C
Скопје
15 јули, 2024
Inbox7.mk
СВЕТ

Има луѓе во Кремљ кои не сакаат Северна Македонија да оди кон ЕУ, рече Рубин

Од тимот на Специјалниот претставник и координатор на Центарот за глобален ангажман на Стејт департментот нема коментар за пораките кои стигнаа од амбасадата на Руската Федерација во Скопје a се однесуваат на посетата на Џејмс Рубин на земјава и неговите изјави за односот на Кремљ кон Западен Балкан.

Се чини дека Центарот за глобален ангажман реши да одмолчи на обвинувањата на руските дипломати во Скопје кои остро реагираа на настапот на Рубин пред медиумите во кој тој ја посочи Москва како главен извор на дезинформациите на Балканот.

„Бараме затворање на Џејмс Рубин поради неговата флагрантна контрадикторност со принципите на слободата на говорот, дипломатската пристојност и здравиот разум“, напиша Руската амбасада на Твитер.

Рубин, кој ги координира активностите на Стејт департментот во справувањето со дезинформациите, изминатите денови во Скопје се сретна со државно владиниот врв за да разговара како САД и Северна Македонија треба да соработуваат во справувањето со овие појави. Неговата порака е дека зад дезинформациите стои Кремљ и токму на тоа се должи острата реакција на руската амбасада.

„Сигурен сум дека има луѓе во регионот и во Кремљ кои не сакаат напредок во процесот што ќе ѝ овозможи на Северна Македонија да оди напред кон ЕУ. Сигурен сум дека седат некаде и размислуваат што да преземат за да направат проблем. Би кажал дека просторот овде е сериозно „затруен“ пред се од руски дезинформации. Претседателот Путин мислеше дека може да ја освои Украина и да ја подели Европа, но не успеа. Но, тоа не значи дека Русија не продолжува да го шири `отровот` на дезинформација и поделби“, рече Рубин.

Во неколку наврати врвни претставници на државата потврдија дека имаат сознанија дека земјава е цел на дезинформации кои имаат руска позадина. На средбите со Рубин, шефот на државата и премиерот се согласиле дека дезинформациите имаат потенцијал да влијаат врз процесите во земјава и во светот, дека претставуваат закана за националната безбедност и дека Северна Македонија е посветена да ги зајакнува своите капацитети и отпорност.

Related posts

По влезот во НАТО, Русија ја “напаѓа” Финска со мигранти

admin

Смртоносно насилство откако израелско момче исчезна на Западниот Брег

admin

Иранскиот претседател Ебрахим Раиси и министерот за надворешни работи загинаа во хеликоптерска несреќа

admin

Анкета: Екстремно десничарската АфД е втората најсилна партија во Германија

admin

Столтенберг: Најбрз начин да се стави крај на војната во Украина е да се загуби, но нема да донесе мир

admin

“Моето сеќавање е добро, по ѓаволите”, гневно реагираше Бајден

admin

Leave a Comment