30.8 C
Скопје
23 јуни, 2024
Inbox7.mk
ВЕСТИРЕГИОНРЕПУБЛИКА

Отворен Балкан може да остане без угостители, земјоделци и градежници

Невработен од Врање, соседна Србија или од Пешкопеја во Албанија, со еден клик ќе може да провери што се нуди на пазарот на труд во Македонија и доколку сака да работи тука, да не губи многу време да обезбеди работна дозвола и престој. Некој од стоте илјади луѓе во Македонија кои бараат работа, среќата ќе може да си ја најдат во Србија или во Албанија.

Во рамки на регионалната иницијатива Отворен Балкан, во која членуваат Македонија, Албанија и Србија, во септември лани беше ратификуван Договорот за слободен пристап до пазарот на труд. Со овој договор се поедноставуваат процедурите за вработување во земјите членки на оваа иницијатива.

Но бизнисмените велат дека договорите помпезно се најавуваат, а спроведувањето е премногу бавно.

„Има многу повеќе политички состаноци, а според нашите анализи има само неколку имплементирани мерки. Веројатно проблемот е во тоа што реалниот сектор е секогаш поефикасен од политичарите, кои помпезно ги најавуваат своите идеи, но им фали ефикасност“, вели Трајан Ангелоски, претседател на Сојузот на стопански комори во неделното интервју на Радио Слободна Европа, што во целост ќе го објавиме в недела.

Електронска дозвола за престој

Дејан Ивковски, раководител на секторот за миграции во Министерството за труд вели дека ратификацијата е само насока, но не и реална имплементација на договореното.

За договореното за пазарот на труд да се спроведе ќе треба да се менуваат и други закони и да се прават платформи. Секоја од земјите треба да направи електронската платформа на која тој што бара работа ќе треба да се пријави, па да добие број за идентификација, откако ќе му биде одобрен слободен пристап до работните места ќе доби и електронска дозвола за престој, по што ќе може да бара работа. Ако ја најде ќе треба да се пријави во Агенција за вработување, но нема да мора да вади дополнителна работна дозвола, како што е правилото за вработување на странци досега. Бројот за идентификација што ќе го добие ќе важи две години, по што повторно ќе треба да се прави регистрација.

Од тоа бенефит ќе имаат и работниците и работодавачите, вели Ивковски.

„Се надевам дека оваа година ќе ги имаме и првите лица кои преку Отворен Балкан што ќе најдат работа во регионот без да поминуваат низ административни бариери. Ваквата отвореност, ваквиот широк потенцијал на работници ќе даде можност не само на работниците да се задржуваат во рамки на регионот, туку и на работодавачите. Тие кога ги планираат своите идни бизниси не треба да сметаат само на базата на невработени во Македонија, туку и во Албанија и Србија и без многу административни бариери ќе може да си ја задоволи потребата од нови вработувања“, вели Ивковски.

Тој додава дека во Министерството на почетокот биле со резерви кој иницијативата Отворен Балкан и им се отворил сомнежот дека таа ќе доведе до губење на работници, но сега, како што вели, знаат дека работите се движат во вистинска насока.

 

Целиот текст прочитајте го ОВДЕ

Related posts

Шолц го суспендира процесот за сертификација на Северен тек 2

ninja

Избрани министрите за здравство и информатичко општество

admin

Џамија не може да добие возило од Агенцијата за управување со запленет имот, така вели законот

admin

Врие од непотизам и корупција во јавниот сектор: Пренатрупана, а неефикасна администрација

admin

И по истражувањето на ИРЛ, Владата се мисли дали ќе им плати на „Брако“

admin

Изборите завршија, темата „Преспа“ останува

admin