38.8 C
Скопје
12 јули, 2024
Inbox7.mk
ВЕСТИ

Путин ненајавено во посета на Херсон

Рускиот претседател Владимир Путин присуствуваше на состанокот на воената команда во украинскиот јужен регион Херсон, кој делумно е под руска контрола, соопшти денеска Кремљ.

Во соопштението не е наведено кога Путин присуствувал на состанокот на воената команда.

Путин ги сослушал извештаите на командантите на воздушно-десантните сили и групата армии Дњепар, како и други високи офицери кои го известиле за ситуацијата во регионите Херсон и Запорожје, кои Москва ги прогласи за делови од Русија, пренесе Ројтерс.

Руските сили се повлекоа од регионалниот главен град Херсон во ноември минатата година и ги засилија своите позиции на спротивниот брег на реката Дњепар во очекување на украинска противофанзива.

Во меѓувреме, украинската војска објави дека руските сили користеле авиони за нови напади врз украинските позиции во источниот регион Доњецк. Во неселективно гранатирање во соседниот регион Луганск се убиени неколку цивили и е нанесена голема штета врз инфраструктурата, наведоа претставници од тој регион.

Руските сили користеле оперативно-тактичка и нападна авијација во обидите да напредуваат во градовите Лиман, Бахмут, Авдиивка и Мариинка, се наведува во дневниот извештај на Генералштабот на вооружените сили на Украина.

На 19 март, Путин го посети разурнатиот град Мариупол во рамки на ненадејната обиколка на окупираните делови на Украина. (РСЕ)

Related posts

ПОЕВТИНА СТРУЈА ЗА 518 КОМПАНИИ, УЧИЛИШТА И ИНСТИТУЦИИ

ninja

Ахмети по средбата со Ескобар: ДУИ е подготвена да го води процесот

admin

Мицотакис во Вашингтон: Сериозно сум загрижен кога новата Влада ја нарекува државата Република Македонија

admin

Измени на Кривичниот законик во интерес на сегашни и бивши функционери?

admin

АЛЕКСАНДАР ВУЧИЌ: OДЕДНАШ ПРЕДАВНИК

ninja

Москва ја исмева ЦИА за нов обид за регрутирање руски шпиони

admin