12.8 C
Скопје
20 април, 2024
Inbox7.mk
СВЕТ

Францускиот уставен совет ја одобри пензиската реформа

Контроверзната пензиска реформа на претседателот Емануел Макрон може да стапи во сила – Уставниот совет на Франција денеска (14.04.2023) оцени дека постепеното подигање на старосната граница од 62 на 64 години во својата суштина е уставно. За Макрон, тоа претставува успех по повеќемесечните кавги околу реформата на пензискиот систем, но одлуката може натамошнода ги подгреее масовните протести.

Претседателот Макрон и неговата центристичка влада со пензиската реформа имаат за цел спречување на заканувачката дупка во пензиската каса.

Франција пензиска реформа
Полицијата се спремаше за акција во пресрет на одлуката на Францускиот уставен совет за пензиската реформаФотографија: Lafargue Raphael/ABACA/picture alliance

Според сегашните закони, старосната граница за заминување во пензија е 62 години, но фактички, оној кој не уплаќал доволно долго пензиски придонес, мора да работи во просек подолго или да се помири со процентуално кратење. Со 67 години се стекнува право на полна пензија, без оглед на годините навршени уплати во пензискиот фонд, што е предвидено така и да остане.

Оценувајќи ја пензиската реформа за брутална и неправедна, синдикатите од почетокот на годината редовно повикуваа на штрајкови и протести на кои учествуваа стотици илјади вработени. И во парламентот владата и опозицијата водеа жестоки битки. За да избегне заканувачки дебакл при изјаснувањето, владата во последна минута реши реформата да ја протне без финално гласање во националното собрание и таа стапи во сила со претседателски декрет. Левите и десничарските пратеници побараа испитување на уставноста на овој потег, посебно гневни што владата ја „спакува“ реформата во буџетски документ и го скрати времетраењето на парламентарната дебата.

Франција пензиска реформа
Протестите против пензиската реформа на Макрон делумно прераснуваа во насилни судири со полицијатаФотографија: Ervin Shulku/ZUMA/picture alliance

Но врховните заштитници на францускиот устав тука не гледаат проблем, иако имаа забелешки на дел од одредбите кои го регулираат статусот на вработените со најдолг стаж во претпријатијата.

Меѓутоа, дури и синдикатите да имаат желба да ја почитуваат одлуката на Уставниот совет, можни се натамошни протести против пензиската реформа, зачестено во форма на спонтани акции кои би преминувале во судири со полицијата и насилство, на чие чело би можеле да се најдат одделни порадикални групи. Уставниот совет го отфрли барањето за спроведување на референдум за пензиската реформа. /DW

Related posts

Овој е најопасниот хакер на светот

admin

Кои се 10-те најдобри градови за живеење?

admin

Макрон бара од Израел воздржаност во Либан

admin

Зошто Германија е воздржана за прекин на огнот во Газа

admin

Лорд Робертсон: „Ако Украина загуби, нашите непријатели ќе одлучуваат за светскиот поредок“

admin

РУСИЈА ОТВОРИ КРИВИЧНА ПОСТАПКА ПРОТИВ СУДОТ ВО ХАГ

ninja

Leave a Comment