Португалецот Жоао Кансело е фудбалерот кој во овој момент има најмногу шанси да биде запишан како освојувач на Лигата на шампионите.
Кансело во зимскиот преоден рок го замени Манчестер Сити со Баерн Минхен каде што настапува како позајмен фудбалер.
Токму Баерн Минхен и Манчестер Сити вкрстија во четвртфиналето, па еден клуб од овие два сигурно ќе игра во полуфиналето од најелитното европско натпреварување.
Поблиску до место во топ четири е Манчестер Сити бидејќи победи во првиот натпревар со 3:0, сепак и да биде елиминиран Баерн, Кансело може да биде запишан како освојувач на ова натпреварување ако Манчестер Сити стигне до трофејот.
Ќе потсетиме, Баерн на лето има опција да го откупи договорот на Португалецот за 70 милиони евра.