Следната средба меѓу српскиот претседател Александар Вучиќ и косовскиот премиер Аљбин Курти ќе се одржи на 2 мај во Брисел, дознава Газета експрес.
Според тие приштински медиуми, на средбата ќе се разговара за Заедницата на српските општини, пишува Косово онлајн.
По Охридскиот договор на 18 март, премиерот Албин Курти и српскиот претседател Александар Вучиќ ќе се сретнат на почетокот на мај за да разговараат за неговото спроведување.
Тоа е прва средба меѓу Вучиќ и Курти по постигнатиот договор во Охрид. Во меѓувреме, во Брисел се сретнаа директорот на Канцеларијата за Косово и Метохија, Петар Петковиќ и вицепремиерот на Косово, Бесник Бислими.
Бислими тогаш рече дека нацрт-статутот на ЗСО ќе биде претставен на следниот состанок на високо ниво.