Првиот вицепремиер Артан Груби најави “убава вест од Брисел!”. Според него, обезбедена е уште една инвестиција за економијата на нашата земја.
“Од јануари 2024 година во општина Кичево започнува изградбата на најновата компанија „Avesta Battery and Energy Engineering“ (ABEE) за производство на електрични батерии кои ќе се користат за електрични автомобили, но и за други намени.”, изјави Груби.
Тој информира дека Министерот за економија, Крешник Бектеши денеска го потпиша договорот за реализација на оваа инвестиција вредна 40 милиони евра, која отвара можност за отворање на 600 нови работни места со плати над 900 евра нето.
“Економските политики во однос на привлекување инвестиции и одржлив економски развој даваат резултати!”, напишал Груби на неговиот Фејсбук профил.