17.9 C
Скопје
13 мај, 2025
Inbox7.mk
ЕКОНОМИЈА

Даути-Комерц е нов Овластен економски оператор

Компанијата Даути Комерц АД Скопје се стекна со статус на Овластен eкономски oператор (ОЕО) за царински поедноставувања, безбедност и сигурност во работењето, соопшти Царинската управа на државата, пренесува Инбокс7.

Директорката на Царинската управа м-р Славица Кутиров, заедно со заменик директорот Муарем Асани и висок раководен тим од Царинската управа била во работна посета на компанијата Даути Комерц, на која беше доделено Одобрението за Овластен економски оператор.

“Ова е уште едно признание за досегашното успешно работење на Даути Комерц, доказ дека компанијата е препознаена како сигурен и безбеден партнер на Царината и има воспоставено контрола над процесите на своето работење”, се вели во соопштението.

На средбата директорката Кутиров истакна дека сè повеќе компании ја разбираат потребата и важноста да се биде ОЕО.

“Исполнувањето на условите за добивање на статус на ОЕO, на овие компании им овозможува примена на царински поедноставувања,намалени контроли, кои важат од неоддамна и во земјите од Отворен Балкан. Ова истовремено влијае на јакнење на нивната конкурентност во регионот и ЕУ.”, се вели во соопштението.

Даути Комерц АД Скопје е 27-та по ред македонска компанија која добива статус на Овластен економски оператор.

 

Related posts

Бугарите што работат во странство испратиле 1.32 милијарди евра средства во 2024 година 

admin

Компаниите чекаат услови за унгарскиот заем, Владата уште не го потпишала договорот

admin

Владата не може да ги среди цените низ пазарите, секој продава како сака

ninja

Четири нови дестинации на Визер од Скопје

admin

Бугарија и Хрватска со најголемо зголемување на вработеноста во ЕУ

admin

Даути: Стратегијата за развој мора да биде инклузивна, само така ќе имаме резултати

admin