-1.2 C
Скопје
20 јануари, 2025
Inbox7.mk
ВЕСТИРЕГИОН

Ердоган се договара со Оган, неговите гласови се клучни за победа

Претседателот Реџеп Тајип Ердоган имал средба со лидерот на Алијансата АТА Синан Оган во Истанбул пред претстојните втор круг избори на 28 мај, соопштиле во петокот за турските медиуми претседателски извори,  пренесува Инбокс7.

Средбата зад затворени врати траела еден час, велат извори.

За средбата се уште нема официјална изјава.

Заменик-претседателот на владејачката Партија на правдата и развојот (АК Партија) Бинали Јилдирим неодамна рече дека нема ништо околу што претседателот Реџеп Тајип Ердоган и третиот кандидат Синан Оган не можат да се согласат, бидејќи нивната реторика не е толку различна.

Влегувајќи во кампањата во последен момент, тврдокорниот националист Оган (55) собра 5,2 отсто од гласовите на значајните избори во неделата, кои влегоа во вториот круг, откако ниту Ердоган ниту неговиот главен противкандидат Кемал Киличдароглу не обезбедија повеќе од 50 отсто од гласовите.

Ердоган заврши со 49,5%, водејќи јасно пред Киличдароглу, кој заостана со 44,9%.

Меѓутоа, Оган, кој се кандидира како независен, оттогаш се појави како “кинг-мејкер” и се стекна со слава поради неговата потенцијална поддршка во вториот круг.

Се верува дека тој земал гласови и од Ердоган и од Киличдароглу, шефот на Републиканската народна партија (ЦХП) и заедничкиот кандидат за опозициски блок од шест националистички и секуларистички партии.

Related posts

Мицкоски најави стратегија за развој на државата до 2050 година

admin

Политиката не е најважна: Партиите што сакаат да дојдат на власт да се фокусираат на економијата – бараат бизнисмените во пресрет на изборите

admin

Со какви пораки доаѓа Фон Дер Лајен во Скопје

admin

Пет олигарси креирале хибриден центар против ДУИ?

admin

СДСМ во Приштина, ЕСП во Вашингтон

admin

Заев за ТВ 24: Не е точно дека сум имал тајни средби со Груевски и Ахмети за КЗ

admin