28.8 C
Скопје
15 април, 2024
Inbox7.mk
ВЕСТИ

САД одбиле да и дадат Ф-16 на Бугарија

САД нема да им дадат на бугарските воздухопловни сили ловци Ф-16 за да ги заменат старите МиГ-29. Ова вчера го изјавил вршителот на должноста министер за одбрана на Бугарија, Димитар Стојанов, јавуваат бугарски медиуми. Според Стојанов, Вашингтон „силно ѝ препорачува на Бугарија да продолжи да оперира со авионот МиГ-29“, известува Obektivno.bg.

На Бугарија и се потребни борбени авиони за да ги исполни своите обврски од членството во НАТО, како и да ја гарантира безбедноста на бугарскиот воздушен простор. Воздухопловните сили во моментов летаат со 11 ловци МиГ-29. Сепак, тие се премногу стари и на некои од нив им треба поправка на моторот.

Бугарија нарачала осум ловци Ф-16 Блок 70/72 во 2019 година. На крајот на годината Софија на Локхид Мартин му платила 100% од бараната сума. Сепак, како што знаеме, светската пандемија на коронавирус ги промени плановите и распоредот. Така првиот ловец нема да пристигне следната година, туку најверојатно во 2026 година.

Токму поради овие околности на Софија, бугарското Министерство за одбрана испратило барање до САД, а денес одговорот на Вашингтон стана јасен.

Една од можните причини за одбивање е можеби недостатокот на доволно обучени пилоти. Бугарија веќе има пилоти Ф-16 кои се вратија од САД, но очигледно не се доволни. Во оваа ситуација, Бугарија не може да управува со Ф-16, дури и ако тоа го дозволи Вашингтон.

Одбивањето на Вашингтон да обезбеди замена борбени авиони остава сериозна дупка во одбраната на земјата. Најпрво Бугарија ќе мора да ги поправи моторите на погодените ловци. Во моментов, само Полска и Израел можат да ја вршат оваа поправка. И Русија може, но поради руската инвазија на Украина, Бугарија одбива да ги користи услугите на Руската Федерација.

 

 

Related posts

Со национализам на младите не им се „продава“ иднината

admin

Неочекуван потег: Мишел ќе се кандидира за европратеник

admin

Се исклучиле, самоисклучиле или се дел од ДУИ? Ахмети вели дека патиштата со “огнените” се разделени

admin

Груби се огласи откако му беше запален автомобилот: Нема да ме заплашите

admin

МИЦКОСКИ -ВЛАСТА ЗА ЕДЕН МЕСЕЦ ДАДЕ 33 МИЛИОНИ ЕВРА ЗА СТРУЈА ОД СТРАНСТВО

ninja

Фон дер Лајен: Сакаме што поскоро да ги отвориме преговорите со Скопје и Тирана

admin