Генералниот секретар на ДУИ, Фатон Ахмети, вечерва во Клик плус на ТВ21 збореше за последните случувања во ДУИ, и кажа дека т.н. огнена група била против Коридорот 8, со постојани забелешки и критики за овој проект.
„Огнената група излезе против програмата на партијата, против резолуциите, излезе дури и против Коридорот 8. Да се изразите во вид на забелешки, критики, против проект што власта, ДУИ, го спроведува. Огнената група требаше да продолжи со она што го бараа на почетокот, а тоа е да се продолжи дебатата внатре во партијата“, рече Фатон Ахмети.
„Никогаш во ДУИ не престана различното мислење. Никој не е санкциониран. Во ДУИ имаме проблем кога се делува различно. Размислувањето поинаку и обидот да се убедат колегите во телото дека друго мислење или идеја е подобро од твоето е дел од демократијата. Но, ако не можете да ги убедите другите, тогаш треба да го прифатите мислењето на мнозинството“, рече Ахмети.
Тој рече дека Али Ахмети вложил најголеми напори за обединување на албанскиот фактор во Македонија.
„Али Ахмети вложи најголеми напори за обединување на албанскиот фактор во Македонија. Тој вложи напори уште од водењето на војната и сите напори беа да се зајакне албанскиот политички фактор. Што се однесува до прашањата за аспирациите во државата, добар дел од нив се исполнети, почнувајќи од Охридскиот договор и така натаму“, кажа Ахмети.