18.8 C
Скопје
24 септември, 2023
Inbox7.mk
ВЕСТИ

ЕУ разговара за Западен Балкан

На состанок на Советот за надворешни работи на Европската унија во Брисел на 22 мај, министрите на земјите членки ќе разговараат за ситуацијата во регионот на Западен Балкан. На овој состанок ќе присуствуваат и министрите за надворешни работи од шесте земји од Западен Балкан,  јавува РСЕ.

Според најавите од Европската унија, главни теми кои ќе бидат на дневен ред се процесот на нормализирање на односите меѓу Косово и Србија, ситуацијата во Босна и Херцеговина, регионалната соработка и влијанието на Русија во регионот на Западен Балкан.

Се очекува Европската унија уште еднаш да ја повтори својата заложба за продолжување на помошта за регионот, но и да побара од овие земји да ги исполнат своите обврски за спроведување на реформите и да се прилагодат на надворешната политика на Европската унија.

Министерот за надворешни работи на Шведска, Тобијас Билстром, чија земја претседава со ЕУ, во пресрет на средбата изјави дека „земјите од Западен Балкан имаат свое место во ЕУ, но ние ќе продолжиме да чекаме за нивна адаптација кон надворешната политика на Европската Унија“.

Хрватскиот министер за надворешни работи Гордан Грлиќ-Радман изјави дека Хрватска го поддржува проширувањето на ЕУ со земјите од регионот на Западен Балкан, но бара и тие земји да ги почитуваат европските вредности и да соработуваат во повеќе области, вклучително и прашањето за незаконската имиграција.

Related posts

Вучиќ разговараше со Пич: И покрај провокациите од Приштина, остануваме посветени на мирот

admin

ХРВАТСКИОТ ПРЕТСЕДАТЕЛ СО КРИТИКА ДО ЗАПАДНИТЕ ЗЕМЈИ ЗА ВООРУЖУВАЊЕТО НА УКРАИНА

ninja

Џафери кажува колку ќе трае собраниската седница за уставните измени

admin

КОЈ СЕ КРИЕ ЗАД ДОЈАВИТЕ ЗА БОМБИ?

ninja

КОЈ ЌЕ СЕ СПАСИ СО АМНЕСТИЈАТА НА КОВИД-КАЗНИТЕ?

ninja

И Џафери ќе си замине ако опозицијата гласа за уставните измени

admin