Ќатип Османи повеќе не е тренер на Шкендија, бидејќи раководството ја прифати неговата оставка, соопштија од клубот, пренесува Инбокс7.
“Шкендија и Ќатип Османи се разделуваат. Последниот натпревар од сезоната 2022/2023 против Работнички беше последен за тренерот Османи во црвено-црниот клуб. Тој понудил оставка, која била прифатена од клубот”, вели Шкендија во известувањето. “КФ Шкендија му се заблагодарува на Ќатип Османи за посветеноста кон клубот, посакувајќи му здравје и многу успеси во иднина.”
Повлекувањето од кормилото на Шкендија Османи го најави пи средбата со Работнички: “Мислам дека секогаш може да се направи подобро. Но, она што е поважно во овој момент е што ова беше последен натпревар за мене како тренер на Шкендија. Во оваа прилика сакам да им се заблагодарам на сите за поддршката што ја имав оваа година, почнувајќи од економистите, медицинскиот персонал, техничкиот персонал, раководството, јавноста, „Балистите“ и можеби уште поважно од компанијата „Еколог“, која со години континуирано инвестира во овој тим за да изгради европски клуб.”