Градоначалникот на Општина Тетово, Биљал Касами, воедно и претседател на Движењето БЕСА, ја честита победата на Албанија во фудбалскиот натпревар против Молдавија.
“Недим од Тетово и Јасир од Скопје и донесоа победа значајна победа на Албанија. Честитки дечки”, напишал на Фејсбук Касами.
Албанија го доби со 2-0 натпреварот против Молдавија, кој важи за квалификациите за Европското фудбалско првенство „Евро 2024“, пренесува Anadolu.
За албанската репрезентација головите ги постигнаа Јасир Асани во 52 и Недим Бајрами во 76 минута.
Во рамките на ЕП 2024, албанската репрезентација е во групата Е, со Полска, Чешка, Фарски Острови и Молдавија.