Социјалдемократскиот сојуз на Македонија (СДСМ) вели дека ВМРО-ДПМНЕ и Христијан Мицкоски не направиле ништо за Резолуцијата на Бундестагот, со која се гарантира македонскиот идентитет.
“Македонската јавност очекува одговори од Мицкоски зошто не направил ништо, зошто не лобирал за оваа значајна Резолуција кај сестринските партии во Бундестагот?”, соопшти СДСМ.
Според соопштението, Резолуцијата беше поддржана од сестринските партии на СДСМ, единствено против беа сестринските партии на ДПМНЕ.
“Мицкоски и ДПМНЕ воопшто не ги убедувале сестринските партии да ја поддржат Резолуцијата за македонскиот јазик, идентитет и култура во германскиот Бундестаг.”, се вели во соопштението.
СДСМ нагласува дека “Мицкоски досега нема направено ништо за македонскиот јазик и идентитет а сега не мрднал со прст за волку важна одлука.”