Кандидатот за шеф на огранокот на ДУИ во Чаир, Беким Незири, во емисијата Клик плус на ТВ21, рече дека на барање на Али Ахмети се обидел да посредува со таканаречената „Огнена група“ кај ДУИ, пренесува Инбокс7.
„На барање на Али Ахмети, имајќи ги предвид пријателските односи меѓу моите сопартијци или како што се нарекува „Огнена група“, се обидов да ги усогласам позициите меѓу страните. Но, мојата кандидатура во Чаир доаѓа како резултат на одлуката што ја донесе Централното претседателство во сите ограноци на Демократската унија за интеграција. Последните избори во ДУИ се одржаа во 2019 година, по 4 години мандатите истекуваат годинава и ДУИ зазеде став да распише избори во сите ограноци, каде еден од нив е Чаир и јас се кандидирав за претседател”, рекол Незири.