Градоначалникот на општина Чаири, Висар Ганиу, кој исто така е дел од фракцијата на ДУИ, т.н. „Огнена група“, за АлсатМ вели дека добил од Мухарем Хасани, кој пред само два дена ја објави својата кандидатура за шеф на огранокот на ДУИ во Бутел, пренесува Инбокс7.
Ганиу за Алсат изјавил дека околу 20.00 часот му се јавил непознат број, кој се претставил како Мухарем Хасани.
Ганиу вели дека Хасан му се заканувал дека „Ти и Изет Меџити ќе се најдете утепани на улица“. А потоа продолжил со тешки пцовки и навреди.
Како што објаснува првиот човек на општина Чаири, заканите на Хасани доаѓаат по изјавата на Висар Ганиу во АЛСАТ каде што рече дека изборите на шефови на ограноци на ДУИ се нестатутарни.
Од друга страна, Хасани ги отфрли сите обвинувања, оценувајќи ги како шпекулации.
“Револтиран од лицата, кои имаа корист од Али Ахмети и ДУИ, со поддршка и придонес од сите нас низ годините, се отуѓи и оди против сето она што го поддржуваа 21 година по ред, додека сега – сите на еднаш, се спротиставуваат и ги оцрннуваат оние од кои бараа поддршка во секој изборен циклус. Разочаран, но не и очаен, во целост ЈА ДЕМАНТИРАМ клеветата на Висар Ганиу за наводни закани од моја страна. Жалење за секој обид за валкање на демократските изборни процеси во ДУИ од страна на отуѓените од семејството што ги родило, ги одгледало и ги донело таму каде што се. Клеветите и етикетирањето нека бидат во нивна чест, ако ви останало малку чест!
П.С. Изјавата на Висар дека ме избрал Али Ахмети за огранокот Бутел, ми прави чест, иако доаѓа од личност која повеќе нема ни тронка чест!”, напиша Хасани на својот Фејсбук профил.