37.8 C
Скопје
12 јули, 2024
Inbox7.mk
ВЕСТИРЕГИОН

Зошто Александар Вулин се најде на црната листа на САД?

Српскиот претседател Александар Вучиќ во средата изјави дека вистинската причина поради која шефот на српската тајна служба Александар Вулин се најде на црната листа на САД се неговите врски со Русија.

САД во вторникот го ставија на листата на санкции Александар Вулин, шефот на српската тајна служба, обвинувајќи го за нелегална продажба на оружје, трговија со дрога и злоупотреба на службената должност.

Но српскиот претседател Александар Вучиќ тврди дека корупцијата не е вистинската причина за санкциите, туку неговата позиција кон Русија.

Американското министерство за финансии објави дека Вулин ја користел својата функција за да му помогне на српскиот дилер со оружје Слободан Тешиќ илегално да пренесува оружје преку српските граници. Вулин е обвинет и за вмешаност во трговија со дрога.

„Санкциите кон Александар Вулин не се за некакво злосторство, корупција или слично. Санкциите се наметнати поради неговата позиција кон Руската федерација“, вели Вучиќ. Србија е кандидат за членство во ЕУ, но одржува блиски релации со Москва.

Вулин, кој е отворено про-руски настроен, беше именуван за шеф на тајната служба минатата година. Претходно беше министер за внатрешни работи. Од таа функција тој ја посети Москва во август минатата година, подвлекувајќи го на тој начин одбивањето на Србија да воведе санкции кон Русија поради инвазијата врз Украина.

Вулин тогаш му порача на рускиот министер за надворешни работи Сергеј Лавров дека „Србија е единствената земја во Европа која не воведе санкции и дека не е дел од анти-руската хистерија“.

Оставката на Вулин е и едно од барањата на српската опозиција која со недели маршира на улиците по масовните убиства во земјата во мај годинава.

Портпаролот на Стејт Департментот, Метју Милер изјави дека САД „ќе продолжат да ги санкционираат оние кои туркаат сопствена политичка агенда и лична корист на сметка на мирот и стабилноста во Западниот Балкан и ги унапредуваат руските малигни активности во Србија и во регионот“. /DW

Related posts

ОТВОРЕНА РЕЗЕРВА КОН „ОТВОРЕН БАЛКАН“

ninja

Бројот на милионери ќе се зголеми за 85% во БРИКС

admin

АЛЕКСАНДАР ВУЧИЌ: OДЕДНАШ ПРЕДАВНИК

ninja

Ахмети ќе ги открие плановите од „црвените подруми“

admin

Реагира Алтернатива на Гаши: Оставките на ДУИ се ПР-сценарио, тонете во вашата кал

admin

Во Арачиново приведен криумчар на мигранти

admin