ВМРО-ДПМНЕ ја поздрави одлуката на ДУИ за колективна оставка од владата, но не се произнесе за исполнување на условот на ВМРО-ДПМНЕ – гласање за уставните измени, пренесува Инбокс7.
Во изјава за ТВ21 од партијата велат дека е добро што ДУИ по 20 години власт е подготвена да замине во опозиција од каде ќе може да одговараат за криминалот и да ја докажуваат својата невиност.
„Откако ДУИ го направи првиот чекор, си поднесоа оставки, сега само тие да бидат неотповикливи и да одиме на брзи избори, бидејќи се друго е одолговлекување и играње играчки на грбот на државата и иднината на граѓаните.“, велат од ВМРО-ДПМНЕ.