Неверојатно е зошто во политичката партија ВМРО-ДПМНЕ не можат да разберат што навистина се случи во петокот, вели претседателот на државата, Стево Пендаровски, пренесува Инбокс7.
Ова е втора реакција во текот на денот во врска со пречекот на косовскиот премиер Албин Курти.
“Во нивното најново соопштение, освен примитивни дисквалификации по кои се препознатливи во јавноста, тие го критикуваат претседателот на државата затоа што побарал одговорност за организаторите на собирот на кој беше истакната карта на „Голема Албанија“, не беше интонирана македонската химна, ниту беше истакнато државното знаме!”
“Очигледно, за оваа политичка партија се поважни надлежностите на општините и Градот Скопје, отколку заштитата на националните интереси на државата.”, вели Пендаровски.