22.8 C
Скопје
22 јуни, 2024
Inbox7.mk
ВЕСТИНАСЛОВНАРЕГИОН

СРЕДБА ОСМАНИ – ФИДАН ВО ЊУЈОРК: Трговската размена со Турција надмина една милијарда долари

Министерот за надворешни работи, Бујар Османи оствари средба со новиот министер за надворешни работи на Република Турција, Хакан Фидан. Средбата се реализира на маргините на 78-то заседание на Генералното собрание на ОН, во Њујорк. 

Упатувајќи уште еднаш честитки за новата функција, Османи изрази задоволство од нивото на севкупните односи меѓу двете земји и ја пренесе заложбата за натамошно продлабочување на соработката, согласно Стратегијата за зајакнување на билатералните односи, од 2008 година.

„Покрај редовните средби и дијалог, интерес на двете земји е да продолжи позитивната динамика и во економската соработка. За поздравување е фактот што Турција минатата година беше наш седми најголем трговски партнер со една милијарда долари размена“, рече Османи, нагласувајќи ја притоа важноста која во Северна Македонија се придава на присутноста на турските компании и инвестиции.

За време на разговорот стана збор и за регионалната соработката и соработката во рамките на НАТО и ОБСЕ, чиј претседавач оваа година е Северна Македонија, како и актуелните предизвици во регионот на Западен Балкан и последиците од руската воена агресија во Украина.

Related posts

Реџепи: Бугарија не ни дава алтернатива освен руски гас

admin

Екстрадицијата заврши, почнува истрагата за Палевски

admin

Се враќаат со медал од олимпијади, но дома не им се вреднува талентот

admin

Ковачевски повика да се усвојат уставните измени

admin

Дали исчезна архивата од веб страната на Собранието или миграцијата на материјалите трае предолго?

admin

ОТКУПОТ ЗА САЈБЕР НАПАДОТ ВРЗ ФЗО НЕ БИЛ МИЛИОНСКИ

ninja