Србија треба да направи напор и да докаже дека не е вмешана во случувањата на северно Косово. Во спротивно нема да бидеме дел од иницијативата на Отворен Балкан, рече министерот за надворешни работи Бујар Османи на вечерашната Топ Тема на Телма, пренесува Инбокс7.
“Таа беше добронамерна идеја. Меѓутоа мислам дека после случувањата во Косово на 24 септември Србија треба навистина да направи напори да докаже дека како држава не е вмешана во тој настан. Доколку има било какво вмешаност, тогаш навистина го прави невозможно нашето учество, но и учеството на другите земји, бидејќи главната идеја на Отворен Балкан беше помирувањето”, рече Османи.
Ова што се случи, според него, ќе не натера да ја преиспитаме нашата одлука за учество во иницијативата.