Пишува: Петрит Сарачини
Одлука за прекинување на ТВ емисија или ТВ дебата може да донесе новинарот, или уредникот/ главниот уредник, а не директорот или менаџментот на телевизијата, особено не со директно јавување во живо, во кое бара од поканетиот гостин да ја напушти емисијата!
Освен што може да се толкува како цензура и кршење на слободата на говор, тоа што го видовме денес на Канал 5 може да се смета и како директно кршење на автономијата на редакцијата од страна на менаџментот.
Така се гледа на овие работи во демократски земји. Како ќе реагираат на овој инцидент професионалните и етичките новинарски тела, ќе видиме деновиве. Тие реакции ќе бидат огледало во кое ќе се рефлектира капацитетот на новинарскиот еснаф да ја одбрани независноста и дигнитетот на професијата!
(Фејсбук статус на авторот)