12.8 C
Скопје
20 април, 2024
Inbox7.mk
ВЕСТИНАСЛОВНАРЕПУБЛИКА

Протести за зголемување на платите за 78 отсто, исто како за функционерите

Незадоволството поради зголемувањето на функционерските плати за 78% резултираше со низа протести. На улица во Скопје излегоа администрацијата и неколку синдикати.

 

Протести го блокираа главниот град во Северна Македонија. На улиците во Скопје незадоволството вчера го изразија вработените во судската и јавнообвинителската служба, Фондот за здравство и од Канцеларијата на Народниот правобранител кои бараат повисоки плати за достоинствен живот,  јавува ДВ.

Врие и меѓу здравствените работници, коишто преку синдикатот побараа менување на Колективниот договор, покачување на ефективниот додаток, како и воведување на бенифициран стаж за вработените.

Синдикатот на работниците од управата, правосудните органи и здруженијата на граѓани (УПОЗ) на протест пред Собранието ги повика пратениците од сите политички партии, пред кои веќе е предлог-буџетот за 2024 година, да ги поддржат во нивните барања за покачување на платите.

Поддршка на протестот дадоа повеќе административни службеници од повеќе синдикати. Вработените од судската и јавнообвинителската служба штрајкуваат од 27 септември. Бараат исплата на додатоците на плата и зголемување на платите за 78 проценти – колку што беа зголемени платите на функционерите.

​​​Во исто време на предупредувачки штрајк излезе и Синдикалната организација на Судскиот Совет, со барање да им бидат вратени додатоците на плата, укинати од март годинава.

Претседателот на Конфедерацијата на слободни синдикати на Македонија, Благоја Ралповски, во изјава за медиумите посочи дека додатоците на плата кои што им следуваат согласно Колективниот договор, биле укинати во март годинава. Преговорите за мирно решавање на спорот истекуваат на 3 или 4 декември, по што се најавува генерален штрајк.

Покачување на платите за 30 отсто е главното барање на членовите на Независниот синдикат на здравствени работници (НСЗР) кои протестираа пред Министерството за здравство. Тие најавија протест пред Владата на 2 декември ако во меѓувреме не бидат повикани на средба во Министерството за здравство.

Националниот координатор на Независниот синдикат на здравствени работници, Боби Бојчевски, изјави дека бараат и менување на Колективниот договор, покачување на ефективниот додаток, како и воведување на бенифициран стаж за вработените.

Related posts

РОДНИНИТЕ ЧЕКААТ ОБЕСШТЕТУВАЊЕ ЗА НЕСРЕЌАТА КАЈ СТРУМА

ninja

Излегувањето од државата ќе биде невозможно по 12 февруари доколку не бидат заменети документите

admin

НОВИНАРИТЕ БАРААТ ЗАШТИТА НА ПРОФЕСИЈАТА

ninja

Армијата и религијата со најголема доверба

admin

Груевски: И Заев и Мицкоски се плашат од моето враќање

admin

Расте извозот, овие се најголемите трговски партнери на С.Македонија

admin