Албанија брои 2.402.113 жители, од кои 755.950 семејства, со големина од 3,2 члена, покажува последниот попис спроведен во септември 2023 година.
За разлика од 2011 година, кога населението било 2.831.741 жители, излегува дека Албанија се намалила за 420 илјади Албанци.
„Податоците се јавно добро и се нудат на креаторите на политики, носителите на одлуки, истражувачите, бизнисите, да ги користат за развојно планирање, анализа на демографски, социјални, економски и еколошки феномени, донесување важни одлуки и нивна имплементација во пракса во корист на нашето општество“, изјави Елса Дули, директорка на Институтот за статистика.