Министерот за здравство и претставник на Владата, Арбен Таравари, изрази поддршка за иницијативата на Здружението на новинари на Македонија (ЗНМ) и Самостојниот синдикат на новинари и медиумски работници (ССНМ) за почитување на безбедносниот протокол за известување од погребот на жртвите во Кочани, кој Владата го објави попладнево.
„Во моменти на длабока болка, сите треба да покажеме почит, емпатија и одговорност. Ова е момент за достоинствено известување, без сензационализам, со почит кон семејствата и блиските и заштита на приватноста,“ напиша Таравари на својот профил на Фејсбук.
Тој нагласи дека хуманоста и професионализмот мора да останат водечки принципи во овие тешки моменти.