Парламентот на Бугарија денеска ќе расправа за предлог-резолуција за напредокот на Република Северна Македонија во процесот на пристапување кон Европската унија. Точката беше вметната како прва на дневниот ред со 186 гласа „за“, ниту еден „против“ и еден „воздржан“.
Одлуката беше донесена на почетокот на пленарната седница, по консултации меѓу пратеничките групи.
Предлогот за резолуција беше поднесен на 29 мај од пратеникот Тошко Јорданов од партијата „Има такoв народ“ и група други народни претставници.
Потпретседателката на Бугарија, Илијана Јотова, изјави дека дебатата за Северна Македонија се извитоперува – како во Бугарија, така и на европско ниво.